Leitin

Aftur og aftur
viku eftir viku
mánuð eftir mánuð
og ár eftir ár
hef ég farið af stað
til að leita

sprenglærðir menn
staðhæfðu fjálgir
aftur og aftur
öld eftir öld
að allir sem leita
og leita og leita
víst muni finna

sýnist mér nú
á síðari árum
að flestallir menn
karlar og konur
sem leituðu´og leita
oftastnær finni
eitthvað allt annað
en leitað var að

ár eftir ár
kom ég vonsvikinn heim
úr sérhverri leit
með annarra fjaðrir
gular og grænar
rauðar og svartar
en fann aldrei neina
í mínum lit

lit sem ég hélt
öll árin ég þekkti
en þekki ekki enn.

Skildu eftir svar

Netfang þitt verður ekki birt.

This site uses Akismet to reduce spam. Learn how your comment data is processed.