Um hvað yrði kosið?

Það var kisulórusvipur á Steingrími Joð í fréttunum í gærkvöldi þegar hann var spurður um viðhorf sitt til þess að VG mældist stærsti stjórnmálaflokkurinn á landinu. Mig minnir að hann hafi svarað: „Það er auðvitað ánægjulegt. Við eigum inni fyrir þessu.“

Mín skoðun er aftur á móti sú að skoðanakönnunin sýni fyrst og fremst andúð fólks á ríkisstjórnarflokkunum og svari með því að nefna þann flokk sem mest hamast á ríkisstjórninni og sé þar með að láta í ljós hug sinn gagnvart henni.

Það væri samt skemmtilegt fyrir okkur hin óbreyttu, ef í ljós færi að koma hvað boðið yrði að kjósa um þegar og ef kosið verður. Það er ekki hægt að ætlast til þess að fjöldinn sameinist um að kalla á kosningar þegar hann veit ekki um hvað og hverja á að kjósa.

Er einhversstaðar fólk, sem áunnið hefur sér traust í þjóðarsálinni fyrir störf sín, sem tilbúið er til að bjóða sig fram til forystu í stjórnmálum? Það væri fróðlegt að heyra af tillögum þar um.

Skildu eftir svar

Netfang þitt verður ekki birt. Nauðsynlegir reitir eru merktir *

This site uses Akismet to reduce spam. Learn how your comment data is processed.