Þegar læknirinn hefur
í vísinda nafni
stungið og tekið
átta sýni
inni í miðjum
líkama sjúklings
verður fátt um orð
verður og fátt um
bros og skvaldur
en þeirra í staðinn
glerungur jaxla
gnístir og herpast
vöðvar og sinar
og dagurinn myrkvast
hljóður af hólminum
innhverfur læðist
leitar í skugga
stundirnar telur
en tíminn er frosinn
og nóttin og nóttin
endalaus nóttin
ég fer og halla mér núna