Fossinn sem kitlar klappirnar

Fjórar myndir frá heimferð í helgarlok

Eins og fram kemur í síðasta pistli þá var liðin helgi mörgum öðrum helgum fremri, hvað varðar þau ótal atriði sem þarf til til að gleðja sál og anda í einföldum hjörtum. En heimferðin varð ekki síðri en dagarnir í Borgarfirði. Við ákváðum að breyta út af venju og aka Dragann og Hvalfjörð á þessum ljúfa haustdegi.

Við stönsuðum á stöku stað og sumstaðar varð ekki hjá því komist að taka myndir til minninga. Læt fjórar fylgja hér hafi einhver ánægju af. Smellið á myndirnar og sjáið stærri gerðina.

Við Svínavatn þar sem tilveran speglaði sig í glersléttum vatnsfletinum…

…og hestar úti á tanga nældu sér í grös sem enn höfðu ekki sölnað…

…eftir kaffi og kleinu í Ferstiklu varð ekki hjá því komist að stansa í nágrenni Bjarteyjarsands og anda að sér stemningunni…

…og loks, innan við Þyril, nær Botni, kitlaði þessi laglegi litli foss klappirnar sem hann glettist við.