Það fréttist fyrir tveim árum eða svo, að einn sonanna hefði fjárfest í harmonikku. Sá heitir Ágúst og er kennari í Norðlingaskóla. Þegar fjölskyldurnar hittust og harmonikkuleik Ágústs bar á góma tók sá gamli, þ.e. pabbinn, að guma af eigin harmonikkuleik á yngri árum.
Týndu orðin
Þau heyrast eiginlega aldrei. Það er alveg sama á hvaða stjórnmálamenn maður hlustar. Það er eins og þau hafi aldrei verið til. Það er talað um umhverfi. Sá konu nýlega, konu sem er í framboði, fórna höndum og fella tár yfir týndri þúfu á austurlandi. Þúfu sem drukknaði. Þá hrapaði konan um áttatíu stig í huga mínum. Eins og ég hafði verið skotin í konunni.
Helgi og Hannes – tár
Það er ekki oft sem félagarnir klæðast öðru en sínum hversdagslegu fötum. Fötum sem hafa dugað þeim um langt árabil og lagað sig að líkama þeirra og persónu á undraverðan hátt. Þegar Helgi kom að bekknum sat Hannes þar fyrir í svörtum fötum og svörtum glansandi skóm.
Jónínu Bjartmars ekki mál
Margir hafa tjáð sig um þetta svokallaða Jónínu mál Bjartmars, eða ríkisborgaramál tilvonandi tengdadóttur hennar. Mál sem er í raun ekkert mál, bara hversdagsleg saga af fólki sem fer með völd. Réttlætisskilningur þess nær eingöngu yfir óbreytta. Ekki breytta. Þannig hefur það alltaf verið og þannig mun það alltaf verða. Á öllum sviðum valds.
Burt með fátækt á Íslandi
Það sem er leiðinlegast við kosningar til alþingis er að alþingismennirnir eru að berjast fyrir starfi sínu, launum og aðstöðu. Þannig er það í öllum tilfellum. Það skín í gegn. Baráttan helgast því af eigin hagsmunum þeirra, ekki af hagsmunum kjósenda. Eða á ég að segja almennra borgara. Þess vegna, m.a. eru svo margir Íslendingar fátækir.
Í nótt kom vorið, eftir Tómas Guðmundsson
Í nótt hefur vorið verið á ferli.
Og vorið er ekki af baki dottið,
því áður en fólk kom á fætur í morgun
var fyrsta grasið úr moldinni sprottið.
Aprílhitamet í Litlatré
Gærdagurinn var yndislegur. Veðrið talsvert betra en maður vogar að óska sér á þessu blessaða landi okkar. Og það í apríl. Við rismál, ( þá er átt við fótaferðatíma ) var hitinn + 11°C. Vindar af austri, suðaustri og snarpir vindsveipir allt til norðausturs. Fór í 15 til 18 m/s í sumum hviðunum. Um hádegi var hitinn orðinn + 14°C.
Forgarður helvítis
Fyrir skömmu bárust af því fregnir að kaþólskir hefðu ákveðið að leggja af svokallaðan forgarð helvítis, öðru nafni limbó, stað þar sem óskírð börn og þeir sem ekki hlutu blessun Krists í lifandi lífi, lentu. Það sem vekur athygli er að forgarður helvítis er staður sem menn fundu upp og ákvörðunin um að leggja það niður er því ákvörðun manna um að breyta ákvörðun annarra manna.
Samfélag alsælunnar eða himnaríki fíflsins
Eftir uppistandið á laugardag, sjá hér, var það eiginlega ekki fyrr en í morgun sem ástríðan í blaðalestur endurheimtist að fullu. Hafði tekið frá tvær álitlegar greinar og sett í bið á meðan ég beið eftir sálinni. Það var svo í morgun sem kerfið virtist komið í nothæft ástand.
Ég segi það satt
Á þessum vindasömum dögum
dögunum sem vindarnir stjórna
og snúast og snúast
og engin veit hvaðan
koma né fara
kaupa húsmæður sér þurrkara
svo að tau haldist hvítt.