Við áttum boð í Skálholt. Kristinn og Harpa buðu okkur í heimsókn með gistingu. Fórum við þangað full af eftirvæntingu um hádegisbil á laugardag. Bjart var yfir landinu, heiðskírt og sólin glaðleg.
Einn – út í bláinn
Þetta er ágætt orðatiltæki. Út í bláinn. Um það segir m.a.í orðatiltækjabókinni Merg málsins; …út í bláinn,…tala út í bláinn,…skrifa út í bláinn,…fara út í bláinn = að halda í óvissa stefnu.“ Það var einmitt það sem ég gerði í gær. Hélt í óvissa stefnu. Einn míns liðs.
Við fórum á ráðstefnu í gær
Við Ásta fórum á ráðstefnu hjá Glímunni í gær. Hún var haldin í sal ReykjavíkurAkademíunnar. Salurinn er í JL-húsinu, fjórðu hæð.
Helgi og Hannes – glæný gönguleið
Helgi hafði setið alllengi á bekknum þegar Hannes loksins mætti. Hannes var klæddur í gamlan felubúning, víðar buxur og hermannajakka sem var hnepptur upp í háls og kraginn uppbrettur. Þá bar hann Green beret húfu á höfðinu. Til fótanna var hann í háum uppreimuðum hermannaklossum. Loks var hann með risastóran gulan innkaupapoka á öxlinni.
GPS – spurning um aldur?
Það var allt í einu kominn auka vegpunktur í tækið. Ég lagði mig allan fram um að reyna að rifja upp hvar hann hefði komið til. Það tókst ekki. Reyndar er langt síðan ég hef notað apparatið. Hef verið svo upptekinn við smíðar í sveitinni að tækið hefur legið ofan í skúffu í marga mánuði. Jafnvel síðan í fyrra. En nú hafa verið góðir dagar og verkefni fá, þannig að ég ákvað að fara með apparatið út og rifja upp.
Kaffi og koníak
Menn líta lífið mismunandi augum. Fá þess vegna mismunandi áhrif af því sem fyrir augu þeirra ber. Í markaðsátaki hjá sláturfélagi einu var ákveðið að merkja sérvalið lambakjöt í glæsilegum umbúðum með stórum stöfum VSOP. Skyldi þetta vera úrvalskjöt, snyrt og kryddað og eftirsóknarvert í hvívetna. Menn lásu út úr skammstöfuninni á mismunandi vegu eins og gjarnan vill vera. Þeir kaldhæðnu lásu þar: „Very sour old pale.“ Sem er einkar óaðlaðandi lýsing á kjöti til manneldis.
Allt fullt af lífi
Það er auðvitað komið haust. Og haust koma árlega að hverju sumri liðnu. Og litir jarðar breytast. En samt er allt fullt af lífi. Það haustar einnig í lífi fólks og haustlitir skreyta það á svipaðan hátt. En samt er allt fullt af líf. Og við Ásta mín fórum að loknu stórafmæli og veislu í fyrrakvöld upp í Borgarfjörð í hreiðrið okkar Litlatré og nutum haustsins, alls sem við sáum og hvors annars.
Mamma er löngu hætt að gráta
„Einu sinni, ha, veistu, þegar ég var lítill, og það var afmæli þá gaf mamma mér, ha, tuttugu og fimm aura og bróður mínum líka. Og við fórum, veistu, fórum útí bakaríið í Pöntó á Smyrilsveginum og keyptum rjómakökur. Eina á mann. Og við vorum búnir með þær þegar við komum heim. Næst þegar ég átti að eiga afmæli, ha, þá lét mamma mig ekkert eiga afmæli. Við vorum svo fátæk og henni leið svo illa. Það var af því að pabbi hafði ekki komið heim í nokkra daga.
Brotinn pottur
Gömul kínversk kona átti tvo leirpotta. Hún hengdi þá hvorn á sinn endann á langri stöng sem hún bar á öxlum sínum þegar hún sótti vatn í uppsprettu sem var fjarri heimili hennar. Annar potturinn var með sprungu og var því aðeins hálffullur þegar heim kom en hinn var fullkominn og því alltaf fullur af vatni. Svona gekk þetta í tvö ár. Daglega gekk gamla konan með pottana að uppsprettunni og daglega kom hún heim með annan pottinn fullann af vatni en hinn hálfan.
Gamlir menn á tæknitímum
Það er sagt að þeir sem bestum árangri nái í hinum ýmsu tækninýjungum sem stöðugt eru í þróun og mikilli framför, séu þeir sem byrja nógu ungir að ástunda og tileinka sér tæknina. Sem dæmi er gjarnan vitnað í færni í meðferð tölva og allra þeirra margslungnu forrita sem þeim fylgja. Svona niðurstöður eru ekki sérlega uppörvandi fyrir eldri borgara enda hafa ýmsir þeirra reynslu af höfuðverk sem yfirtekur tilveru þeirra þegar glímt er við hin einföldustu forrit.