„Það er fólk að ríða hérna fyrir utan gluggann minn.“ „Fólk að ríða?“ „Já. Svei mér þá.“ „Og hvernig má það vera?“ „Vera? Það bara er.“ „Er það bara??“ „Já. Sex manns.“ „Sex manns að ríða?“ „Já. Og allir með tvo til reiðar.“
Orð dagsins
Þær aðstæður geta skapast að menn séu sviptir möguleikanum til að gegna starfi eða njóta lífsins,…
Orð dagsins
Mörg orð eru viðhöfð sem ætti að friða þar til einhver getur útskýrt hvað í þeim felst. Þar á meðal eru ást og kærleikur.
Lars Andersen
Bozo segir frá
Stundum les maður bókakafla sem ilma af svo mikilli frásagnargleði að maður stansar við og andar djúpt. Og les þá aftur. Ég get ekki á mér setið og tek mér bessaleyfi til að birta fáeinar línur úr bókinni sem ég er að ljúka við þessa daga. Vil um leið spyrja þig hvort þú veist úr hvaða bók línurnar eru.
Orð vikunnar
„Hneykslissögurnar eru sælgæti fjöldans.“
—Jón Trausti
París – est une fête
Parísarborg hefur heldur betur umlukt hugarfar mitt þessa dagana. Undanfarin dægur hefur bókin „Í reiðuleysi í París og London“ átt fyrsta sæti í lestrarástunduninni. Ævintýraleg frásaga af daglegu lífi fólks sem lifir og hrærist á mörkum afkomu og afkomuleysis. Lægsta stétt. Það er að segja, fólks sem dvelur í París, atvinnulaust oftast, hungrað oftast, en gengur um götur borgarinnar, mílu eftir mílu, á hverjum degi í leit að atvinnu, handtaki eða smáviki til að eiga fyrir matarbita og húsaleigu í fátæklegum og nöturlegum gististöðum.
Orð vikunnar
„Hvílíkt brjálæði að lifa eins og bjálfi til þess að deyja ríkur.“
Robert Burton
Viðrar vel til lesturs
Janúar hefur silast áfram í bókalestri. Jólabækur bárust umfram væntingar og framkallaði rausn gefenda klökkva í gömlu og slitnu hjarta. Í gær tók ég plastið utan af einni sem hefur beðið eftir að að henni kæmi. Sú heitir Í reiðuleysi í París og London og er eftir þann kúnstuga karl Eric Arthur Blair, sem fólk þekkir sem rithöfundinn George Orwell.
DAGUR VONAR
„Mamma mín, mamma mín, hvaða dagur er í dag?“
Það var sterk upplifun að sjá og heyra leikritið Dagur vonar eftir Birgi Sigurðsson. Krafturinn í verkinu kom verulega á óvart. Textinn og táknin mögnuð og leikurinn stórkostlegur. Tilvitnun í leikskrá í ljóð Thomasar frá Celano; Dies irae, dies illa, / solvet saeclum in favilla, sem Matthías Jochumsson þýðir: Dagur reiði, dagur bræði, / drekkir jörð með logaflæði, gefur tóninn í glímunni sem háð er á leiksviðinu.
Orð dagsins
Þóra Jónsdóttir skáld, fædd 17. janúar 1925, á orð dagsins: