Morgunorð og morgunbæn, á rás eitt, þessa dagana eru ákaflega vel samin og flutt af séra Hreini Hákonarsyni, fangapresti. Hér við Horngluggann hlustum við hjónin svo til alltaf á morgunbænina kl. 06:50 með eftirvæntingu, í þeirri von að heyra tón sem snertir hjörtu okkar. Einhvern veginn eru það ekki margir sem koma orðinu frá sér á þann veg.
Fjölmiðlarnir og gáskinn
Vonandi tekst Blaðinu að auka svo sjálfstraust sitt að venjulegt fólk hlakki til að sækja það niður í anddyri. Fréttablaðið er aftur á móti þannig að manni er alveg sama þótt það komi ekki. Reikna má með að ritstjórnir blaða hafi komið sér upp vissum markhópi inni í hausnum á sér og velji eða hafni efni í blað dagsins með hann í huga. Áríðandi hlýtur að vera að komast hjá of löngum meðgöngutíma svo að innvolsið verði ekki að
steinbarni.
Bjargráð á björtum degi
Eftirfarandi er látin í té til heilsubótar í sólskini:
Fjórar mínútur í Byko
Þetta var á föstudaginn. Síðastliðinn. Fyrir morgunkaffi. Við vorum á leið í Borgarfjörðinn, hjónin. Hún hafði unnið daginn af sér. Allt var tilbúið til brottferðar og kerran tengd aftan í gamla bílinn okkar. Ætlunin var að taka fimm poka af staurasteypu með í sveitina. Til þess að fá hana þurftum við í Byko. Hún var uppseld í versluninni svo að okkur var vísað í timbursöluna.
Heillandi blómaheimur
Við komum við í Garðplöntusölunni Borg, í Hveragerði, í gærkvöldi. Og heilluðumst gjörsamlega af þeirri undursamlegu litadýrð blómanna hjá því ágætisfólki sem stöðina annast. Orðlaus og heillaður gekk ég um með myndavélina og reyndi að taka áhrifin með mér heim á meðan Ásta keypti nokkrar stjúpur til að setja á leiði ástvina okkar í Stórólfshvolskirkjugarði i Hvolhreppi.
Saluti a Roma
Var á útleið úr Nettó í Mjódd. Hafði póstlagt mannakorn til frænku minnar í Texas og keypt ýsuflak í leiðinni. Skoðaði svo nýju bók Þorsteins Þorsteinssonar um Sigfús Daðason í Eymundson. Hún kostar 2990. Ég átti ekki fyrir henni. En kominn út á planið utan við verslanakjarnann, þetta var um hádegisbil, stansar bifreið við tærnar á mér og útlendur maður á miðjum aldrei skrúfar niður rúðuna og spyr gleiðbrosandi: „Do you speak english.“
Góð kenning
Ef þú hefur ekkert að segja, þá segðu það ekki.
Færeysku konurnar sigruðu róðrakeppnina
Þess hefur ekki verið getið í fjölmiðlum að færeysku konurnar sigruðu róðrakeppnina á sjómannadaginn.
Andvari ástarinnar
Nú er hlýtt
og það rignir
við stefnum í sveitina
eftir vinnu
að venju.
Tveggja peysu veður og annarra manna harðsperrur
Við tókum þannig til orða strákarnir þegar við vorum enn ungir menn og störfin voru utandyra á þorra og góu, lýstum kuldanum sem tveggja peysu veðri og allir skildu hvað átt var við. Veðrið í Borgarfirðinum var þannig síðustu viku, og ekki bara þá heldur hefur það verið þannig allan maí að heita má og bændur ekki getað hleypt lambánum út á tún.
Lesa áfram„Tveggja peysu veður og annarra manna harðsperrur“