Hún var svolítið feimin í fyrstu. Kom fyrir hornið, stansaði augnablik og hvarf aftur. Litlu síðar endurtók hún þetta. Kom fyrir hornið, horfði raunar í aðra átt, tifaði, hvarf svo. Þetta endurtók hún nokkur skipti. Vægur gleðiskjálfti, kannski 1.5 á Richter, leið um hjartataugarnar í mér. Hún var komin.
Innvortis ef veðrið bregst
Þegar tölvan setur þennan pistil inn á heimasíðuna erum við Ásta stödd uppi í Borgarfirði þar sem við ætlum að vera yfir helgina og horfa á snjókomuna. Hitastigið í Húsafelli var aðeins + 1.7° C, skömmu fyrir hádegi í gær þegar við ákváðum að fara þrátt fyrir kuldann.
Arfleifð Sifjar í Heilbrigðinu
Það er nú einu sinni þannig með okkur eldra fólkið að þegar við upplifum ánægjuleg atvik þá myndast broshúð á sálinni í okkur. Og því var það þannig í desember þegar hjartalæknirinn minn, afskaplega yndislegur maður á sama aldri og ég, hafði farið yfir tékklistann, 135 yfir 85, lungun hrein og
Franskur maður stelur brauði
Það hljóp heldur betur á snærið í nostalgíukastinu í gærkvöldi, þegar danska sjónvarpið Dk.1 sýndi mynd Bille August´s, Vesalingarnir, eftir skáldsögu Victors Hugo, með Liam Neeson og Geoffrey Rush í aðalhlutverkunum.
Hérna hérna já, hérna.
Í hérna fyrradag hérna hlustaði hérna ég hérna á hérna verkfræðing hérna tala hérna um hérna skipulag hérna í hérna Reykjavík hérna í hérna þætti hérna á hérna rás hérna eitt hérna og hérna, hérna, hef hérna ekki hérna náð hérna mér hérna ennþá.
Verbum perfectum: sinceritas IV
Það er nú líklega eðlilegt að undirstrika að þessi pistlaskrif mín eru einfaldlega aðferð til að halda einhverskonar hringrás hugans í gangi. Talið er holt fyrir fólk að tjá sig og koma frá sér á einhvern hátt hugsun og vangaveltum sem kunna að auka þrýsting í kollinum á því. Býst ég við að þetta sé nytsamlegt fyrir okkur sem hætt hafa störfum og samskipti og félagsskapur fallið í lágmark.
Verbum perfectum: sinceritas III
Og enn af Pound. Fjöldinn allur af heimsfrægum rithöfundum, skáldum og listmálurum, söfnuðust saman í vinnustofunni hjá Gertrude Stein í rue de Fleurus 27 í París. Gertrude Stein var einstök manneskja, rithöfundur og málverkasafnari. Hún var fædd í Pennsilvaníu í Bandaríkjunum. Bækur segja að blómi listamanna á heimsvísu, á fyrri hluta síðustu aldar, hafi verið fastagestir hjá henni og tekið þátt í veislum og samræðum um listir.
Rætur gróðursins
Það er sunnudagsmorgun og það rignir. Rigningin er langþráð og maður reynir að hugsa eins og jarðvegur. Það blasir samt við að jarðvegur hugsar ekki. En hann lifir og er þótt hann hugsi ekki. Því getur verið eins farið með mig, ég er þótt ég hugsi ekki, þrátt fyrir cogito ergo sum. Og það er sunnudagsmorgun og það rignir og ég fagna með jörðinni.
Verbum perfectum: sinceritas II
„Ezra Pound var vinur vina sinna og reiðubúinn að brjóta sig í mola fyrir fólk. Vinnustofan þar sem hann hafðist við ásamt Dorothy konu sinni á rue Notre-Dames-des-Champs var að sínu leyti eins aum og ríkmannlegt var hjá Gertrude Stein. […] Mér geðjaðist ágætlega að málverkunum eftir Dorothy og mér fannst Dorothy stórfríð og undursamlega á sig komin.“
Verbum perfectum: sinceritas I
„Enginn maður er eyland, einhlítur sjálfum sér; sérhver maður er brot meginlandsins, hluti veraldar; ef sjávarbylgjur skola moldarhnefa til hafs, minnkar Evrópa, engu síður en eitt annes væri, engu síður en óðal vina þinna eða sjálfs þín væri; dauði sérhvers manns smækkar mig, af því ég er íslunginn mannkyninu; spyr þú aldrei hverjum klukkan glymur; hún glymur þér.“