Var að koma inn af svölunum. Datt í hug að kasta á ykkur kveðju. Óska gleðilegs árs og þakka fyrir heimsóknir á heimasíðuna á liðna árinu. Mér þótti ákaflega vænt um sérhverja þeirra. Finnst þó að fleiri hefðu mátt senda athugasemdir og blanda sér í umræðuna. Athugasemdirnar eru eins og hlýlegt handtak. Svo vinalegar.
Það var feikna fjör í hverfinu. Allir virtust eiga mörg ljós.
Hávaðinn var samt óvenjumikill. Týri minn hefði orðið hræddur. Blessað dýrið. Kolsvartur, fjörutíu kíló og kjarklítill á gamlaárskvöld. Elsku vinurinn ljúfi.
En nú fer ég og sest hjá Ástu og Gunný og hlusta á Frostrósir.
Óska ykkur alls hins besta á nýju ári.
Gangi ykkur allt í haginn.
Kveðjur frá mæðgunum og mér að sjálfsögðu.
Óli
Gleðilegt ár og takk fyrir skemmtilegar hugleiðingar. Datt inn á þessa síðu á síðasta ári og kíki núna reglulega, það er svo gott að hugsa.
Gleðilegt ár, og takk fyrir notaleg skrif. Hingað er gott að koma með kaffibollann sinn
kv. Birna
Gleðilegt ár og þakkir fyrir skemmtileg og áhugaverð skrif á vefsíðunni.
Gleðilegt ár innilegt þakklæti fyrir liðin ár og fyrir síðuna,kveðjur til Ástu og Gunný. Arnbjörn.