Helgarblöðin

Í áratugi hef ég vaknað
snemma á laugardagsmorgnum
og sótt blöðin í póstkassann
á meðan vatnið seytlaði
í gegnum kaffipokann
niður í könnuna
fullur af tilhlökkun
og eftirvæntingu

í áratugi hef ég lesið
snemma á laugardagsmorgnum
með fægðum gleraugum
og blýant í hendi
til að undirstrika
og skrifa athugasemdir
og gleymt að drekka
kaffið í könnunni.

í áratugi hef ég lesið
snemma á laugardagsmorgnum
greinar og texta um mannvit
mál og hulda visku
og skáldskap
fegurð og víðáttu tungu
og viðað úr
í áratugi

á liðnum vikum hef ég margreynt
snemma á laugardagsmorgnum
að finna greinar sem forðum
mál og myndir og texta
af dýrum rótum
en sýnist þvaðrið
stöðugt bólgna
á heilum opnum

í áratugi hef ég notið
snemma á laugardagsmorgnum
þess að lesa aftur og yfir
en nýir tímar
breyta mörgu
nú hef ég daginn
við gluggann góða
og kaffið fyrst.

Skildu eftir svar

Netfang þitt verður ekki birt. Nauðsynlegir reitir eru merktir *

This site uses Akismet to reduce spam. Learn how your comment data is processed.